jamita Minggu bulan Mei 2010

Jamita Minggu Kantate
02 Mei 2010
II Korintus 4 : 13 – 18
Topik Minggu: Manghangoluhon Haporseaon

Hamuna dongan sahaporseaon
Ragam do parungkilon na niadopan ni Apostel Paulus uju borhat laho mamaritahon barita nauli, alai tung pe godang parungkilon i siadopanna alai tulus do ibana laho patolhashon barita nauli i, ala di bagasan pos ni roha dohot di bagasan bulus ni roha dohot di bagasan haporseaon do laho patolhashon barita taringot tu Kristus i. Barita nauli nabinaritahon nai gabe mamboan sinondang tu tonga-tonga ni halak Kristen na di Korintus. Hatutulus ni rohana i dihaporseai do marhite huaso dohot hagogoon nasian Debata. Tung pe tersiksa, tertindas apostel i alai sudenai laho patuduhon na huaso ni Debata do na mangurupi ibana.Tung porsea do apostel i tu Debata ima naung pahehehon Kristus, jala ido dihaporseai gabe hagogoon di dirina laho marbarita nauli.

Sitaonon ni Apostel i ido manogihon huria i gabe marhaporseaon di Jesus Kristus, jala gabe sintong pamujionna di bagasan Jesus Kristus. Sitaonon dohot parungkilon ni Apostel Paulus ido gabe tudu-tudu tu angka parbarita nauli, ima na ingkon mangadopi hamaolon, hambatan uju borhat marbarita nauli. Di sejarah haroro ni barita nauli tu bangso batak , ragam do na niadopan ni parbarita nauli i, pola sahat tu na agoan hosa, alai saluhutna i gabe mamboan sinondang doi tu tonga-tonga ni bangso batak gabe taruli dihaluaon nabinoan ni Kristus i.

Hamu dongan sahaporseaon
Dihatindanghon Apostel i do di turpuk on di Ay 13 didok “Naporsea do ahu umbahen na huhatahon, hami pe naporsea do, umbahen na dohot hami manghatahon”. Haporsuhon naniadopan ni Apostel Paulus ndada gabe putus asa manang mandele alai tung togu do haporseaonna tu Kristus i.Didok di Psalmen 116 : 10 “Porsea do ahu umbahen nahuhatahon, mansai dangol situtu do ahu huhilala”. Tung pe dangol jala beresiko ulaon i alai tongtong do dibaritahon barita nauli dohot sangkap asa sahat barita taringot tu Kristus i.

Hamuna dongan sahaporseaon
Molo tadok dirinta porsea di Jesus Kristus ingkon margogo do hita mandok “hami pe naporsea do umbahen na dohot hami manghatahon”. Molo taida di ngolu ni hakristenonta ditingki on, nunga toropan halak Kristen na ganggu haporseaonna di hagogoon dohot dihuaso ni Debata di bagasan ngoluna, tarida sian angka parange / parulan siganup ari, isarana : nunga godang halak Kristen/ siihuthon Kristus hape sude ulaonna maralo tu lomo ni roha ni Debata, sukses ekonomi, sukses hidub, nang maralo tu uhum, panggora ni roha, lumobi haporseaon. Nunga torop halak Kristen mura mandele, putus asa uju masa parungkilon di bagasan ngoluna Ndang manahan dihaporseaon na di Tuhan i, seolah olah ndang adong be ngolu namarpanghirimon di bagasan ngoluna. Mangihuthon Apostel Paulus Naporsea ima : Rade manaon naporsuk, rade manghatindanghon Jesus Kristus di bagasan ngoluna, rade jala borhat mamaritahon barita nauli taringot tu Kristus, dohot rade manuhuk silang ni Kristus i, dohat angka lan naasing.

Hamuna dongan Sahaporseaon
Di aya 14 didok “ala huboto hami : Naung pahehehon Tuhan Jesus i, paheheon ni i do nang hami raphon Jesus i, jala pajongjongonna do hami raphon hamu”. Ia yang telah membangkitkan Tuhan Yesus, akan membangkitkan kami juga bersama-sama dengan Yesus. Di bagasan turpuk on dihatahon Apostel Paulus do hinasintong taringot tu haheheon ni Tuhan Jesus. Porsea do aposteli dohot saluhut halak tu Jesus Kristus ingkon gabe dapotan bagian dihaheheon i. Dihaporseai aposteli do ingkon togihonon ni Debata do rap dohot Jesus nang angka namonding marhite-hite Ibana. Panghirimon di haheheon ido margogoihon Apostel Paulus margogo mangadopi parungkilon i jala di bagasan panghirimonna ingkon paheheon na do muse di bagasan hasangapon jala marsaulihon ngolu namanongtong sisaleleng ni lelengna. Haheheon i ima panghirimon ni angka naporsea laho patoguhon haporseaon tung pe mangadopi parungkilon ala ni Kristus. Haheheon ni Kristus ima napaboahon ingkon paheheon na sude naporsea jala mangalehon las ni roha / damai sejahtera = Syaloom di bagasan ngoluna.

Hamuna dong

in reference to: Hotman aritonang (view on Google Sidewiki)